الرشاقة Fitness

هيا نبدو موضوع  الصحة و الرشاقة ... ما فيش بنت ما يهمهاش شكل جسمها و اغلب البنات ما يحبوش الميزان صح؟
الي في الميزان رقم مش اكثر المهم الشكل الي تشوفو فيه في المراية عاجبكم أو لا و علي فكرة مش ديما الضعيفة هي الي صحية مرات وحدة اسمن منها بس جسمها صحته احسن

المهم الاكل الي تاكلو فيه يكون مفيد مش معناها تحرمي نفسك من الحلويات و البيتزا لكن خششي عناصر مفيدة في نظامك الغدائي اليومي و باْذن الله حتقعد عادة فيك بدون ما تحسي حتقعد صحتك احسن مثلا
الجسم كله متكون من بروتين : البشرة، العظام، الأعضاء، الدم .....
لو انت ما تاخديش في بروتين يوميا مجرد ما تكبري شوية في العمر حتقعدي تشكي من عظامك و بشرتك مش حلوة و نفسيتك حتتاثر
حاولو تاخدو البروتين علي مراحل خلال اليوم بش الجسم يمتصها و للعلم الجسم يهدر في بعض السعرات الحرارية الموجودة في البروتينات يعني ما تسمنش زي الكربوهيدرات 

يوميا كولو مكسرات بجميع أنواعها مفيدة جدا ألياف و بروتينات و تخليك تحسي بالشبع يعني بين الوجبات احسن شي ممكن تآكليه هو المكسرات

ممكن تآكلي بروتين بار بالذات لو تمشي للجيم حتعطيك طاقة و سهلة الهضم و بعد الجيم خودي بار تاني بش تبني العضلة

في الوجبات الرئيسية ممكن في الفطور تاخدي سبيشل كي مع حليب قليل الدسم، و تتغذي سمك، دجاج او لحم خروف، بقر انتِ و رغبتك طبعا.
و العشاء ممكن يكّون دحي/بيض او فاصولياء 

هكي تكًوني خديتي البروتين الي يحتاجه جسمك على مراحل بس ما تاخديش كمية كبيرة بروتين في الليل مثلا لان جسمك حيعجز عن مصها كلها و مش حتستفيدي منها شي لازم توزعيها للاستفادة الكاملة لهذا حاولو تاخدو كميات صغيرات خلال اليوم من الصبح لليل بش الجسم يمتصها كلها 

تذكرو الجمال يبدأ من جوه مش من برة
 ❤️❤️

Every girl cares too much about how her body looks and most of us don't like going on the scale, but hey don't worry what's on the scale is just number ignore it what's important is how u look like in the mirror.

Being skinny doesn't always mean healthy we have to start from the inside and today am going to talk about how important is to take protein each day, you should eat protein about 5 times a day by including it in your main meals and snacks, I highly suggest eating nuts in between meals it will keep u full for a good amount of time, you could have Special K cereals for breakfast, fish or any kind of meat for lunch and maybe beans and salad for dinner.

Remember not to eat a big protein portion at ones coz this way your body won't absorb it and you won't get the advantage of it.

Your whole body is made out of protein Blood, organs bones and muscles so please do this and make it as a part of your life style ❤️ beauty starts from the inside and reflects on the outside ❤️

Comment and tell me your thoughts .