اصنعيها بنفسك ❤️

مساء النور حبيباتي 

ان شاء الله كلكم كويسات و بخير

اليوم بنتعلمو نديرو حاجة مع بَعضُنَا و الي هى 

كيف تزيني حذاء بنتك او حتى حذائك انتِ بطريقة ساهلة و بسيطة

اول شي حتحتاجي الحذاء الي بتزينيه طبعا ههه

و مقص 

الخطوة الاولى قومي بقص قماش  التول اشرطة مش رقيقة واجد و مش غليضة

تاخدي الحذاء و قطعة التول 

تلفي التول على السير الأمامي للسندل بأنك تلفيه من تحت السير و بعدين أربطيه و ديري فيونكة 

و تا دااااا سندل فيه فيونكة حلوة 

شفتو ساهلة بكل بس غيرت المظهر بشكل بسيط

اختي الصغيرة عجبها السندل و فرحت ان انا وإياها درناه مع بَعضُنَا

استغلو الأشغال اليدوية البسيطة بأنكم تفضو الوقت مع بناتكم او خواتكم الصغار

منها اديرو حاجة مختلفة و مفيدة و منها هما يستمتعو و يقضو وقت لطيف معاكم 

ملاحظة 

طبعا حتجي الفيونكة كبيرة  ، خودي مقص و غيري الحجم لين يقعد الشكل الطبيعي

حتى الكبار تقدرو اديروها لسندل كعب فيه سير من الامام اربطو عليه فيونكة تول وشوفو كيف حيجي الشكل حلو و بناتي 

ان شاء الله عجبتكم الفكرة و لو بجد عجبتكم

شاركوها مع أحبتكم

الى اللقاء الى موضوع اخر 

مع حبي